د کندهارولایت د شهیدانو او معلولینو چارو ریاست له لوري د حجاجو د سهمیې د وېش په موخه قرعه کشي ترسره شوه.
د کندهار ولایت د شهیدانو او معلولینو چارو ریاست له خوا د یو شمېر شهیدانو د ورثه وو او معلولینو لپاره د حج د فریضي د اداء کولو په موخه دغه ریاست ته د ورکړل شوې سهم د قرعه‌کشي پروسه په شفاف ډول د ریاست د مسولینو په موجودیت کې ترسره شوه.
د کندهار ولایت د شهیدانو او معلولینو چارو د خدماتوامور اجتماعي مدیر مولوي عبدالله ( عابدي) د قرعه کشي په مورد او ددې پروسې پر اهمیت او ارزښت خبرې وکړې او په دې پروسه کې یې د روڼټیا او شفافیت ډاډ ورکړ.
د قرعه کشي په پایله کې (۳۰) تنه مستحق کسان بریالي اعلان شول او نورو ګډونوالو هم د شهیدانو او معلولینو چارو له ریاست څخه د عادلانه او شفافې پروسې د ترسره کولو مننه وکړه.
