د هلمند ولایت د شهیدانو او معلولینو چارو په ریاست کې اداري غونډه جوړه شوه
د هلمند ولایت د شهیدانو او معلولینو چارو په ریاست کې یتیمانو، کونډو او معلولیت لرونکو وګړو ته د غوره خدمتونو وړاندې کولو په موخه، د شهیدانو او معلولینو چارو رئیس په مشرۍ اداري غونډه جوړه شوه، چې په هغه کې د ریاست اړوند کارکوونکو ګډون کړی وو.
په دې غونډه کې د هلمند ولایت د شهیدانو او معلولینو چارو رئیس د مراجعینو د ورځنيو چارو د ښه ترسره کولو، د هغوی پر وړاندې د شته ستونزو د له منځه وړلو او د شهیدانو او معلولینو چارو وزارت د څارنې او ارزونې د پلاوي لخوا د ورکړل شويو سپارښتنو د عملي کیدو په تړاو کارکوونکو ته لازمې لارښوونې وکړې او له هغوی وغوښتل تر څو ورسپارل شوي مسؤلیتونه په پوره اخلاص او همغږۍ ترسره کړي.
