د شهیدانو او معلولینو چارو وزارت د رهبرۍ شورا غونډه ترسره شوه

nasrat_admin
دوشنبه ۱۴۰۱/۸/۳۰ - ۱۲:۱۱
mmd

د شهیدانو او معلولینو چارو وزارت د رهبرۍ شورا غونډه د یاد وزارت د سرپرست وزیر، ښاغلي ملا عبدالمجید آخند په مشرۍ، د تخنیکي او مسلکي چارو مرستیال ښاغلي مولوي عبدالرزاق آخند، د شهیدانو او معلولینو چارو مرستیال ښاغلي شیخ صاحب عبدالحکیم حقاني، د مالي او اداري چارو عمومي رئیس ښاغلي مولوي کلیم الله افغان او د اړوندو څانګو د رئیسانو په شتون کې ترسره شوه.

د یادې غونډې موضوعات چي د شهیدانو او معلولینو چارو وزارت د دفتر رئیس ښاغلي قاري شاه محمد دوست لخوا غونډې ته وړاندې کړل شول، په ولایتونو کې د شهیدانو او معلولینو چارو وزارت اړوند مدیرانو او کارکوونکو د هویت کارتونو جوړولو  په هکله خبرې وشوې او پریکړه وشوه چې له دې وروسته به یواځې د ولایتونو رئیسانو او آمرینو ته د شهیدانو او معلولینو چارو وزارت کې د هویت کارتونه جوړیږي او پاتې  نورو کارکوونکو او مدیرانو لپاره دي ولایتي رئیسان په خپل ولایت کې خپلو مدیرانو او کارمندانو ته د هویت کارتونو ترتیب برابر کړي او له ولایتي رئیسانو څخه وغوښتل شول تر څو د شهیدانو او معلولینو چارو وزارت ته دې د کارکوونکو د هویت کارتونو لپاره وړاندیزونه  نه لیږي.

همدارنګه په دې غونډه کې د یتیمانو او معلولینو په فورمو کې د جوماتونو د امامانو او د ګذر وکیلانو لخوا د هغوې د استعلامونو د ناسم ځوابولو د څرنګوالي په هکله بحث وشوو، او پریکړه وشوه تر څو د شهیدانو او معلولینو چارو وزارت رهبرۍ دې د امامانو سره ناسته د حج او اوقاف وزارت په همغږۍ او همدارنګه د ګذر وکیلانو سره ناسته د ښاروالۍ په همغږۍ برابره کړي تر څو یادې ستونزې ته په ښه ډول رسیدنه وشي او همدارنګه دوی ته سپارښتنه وشي چې باید د استعلام جوابول مو په حقیقت بنا وي او که چیرې له هغې وروسته د یتیمانو او معلولینو استعلام ځواب له واقعیت سره سم نه وي مسؤلیت به یې د جوماتونو د امامانو او د ګذر وکیلانو په غاړه وي.

همداراز د هغو مراجعینو په هکله چې د بریښنایي پيژند پاڼو لپاره د شهیدانو او معلولینو چارو وزارت ته راځي باید د یاد وزارت د مقام یا د نوموړي وزارت د معینیتونو سربیره د مالي او اداري عمومي ریاست،  د دفتر ریاست، د بشري سرچینو ریاست، د شهیدانو چارو ریاست او معلولینو چارو ریاست لخوا د بریښنایي پیژند پاڼې اخیستلو امر ترلاسه کړي او وروسته له هغې دې د خپلو پیژند پاڼو د اخیستلو چارې پر مخ یوسي.

همدارنګه په یاده غونډه کې د تیرې ادارې د شهیدانو او معلولینو چارو وزارت اړوند قانون د بیاکتنې په موخه هم خبرې وشوې او پریکړه وشوه، چې د یاد وزارت د رهبرۍ لخوا به د بیا کتنې په موخه هیئت وټاکل شي تر څو د عالیقدر امیرالمؤمنین شیخ القرآن و الحدیث هیبت الله آخندزاده حفظه الله د فرمان پر اساس هغه مادې چې د شریعت سره اړخ لري  د حنفي فقهې په رڼا کې  تخریج او د مستندو کتابونو حوالې یې باید ذکر شي  بیا دې دغه د قانون مسوده د عدلیې وزارت ته واستول شي.

د غونډې په پای کې پریکړه وشوه تر څو د ځینو ولایتونو د ریاستونو د چارو د ښې ارزونې او څیړنې په موخه د شهیدانو او معلولینو چارو وزارت لخوا یو ځانګړې پلاوی واستول شي تر څو په ولایتونو کې د شهیدانو او معلولینو چارو وزارت اړوند ریاستونو کاري بهیر په ښه توګه وڅیړي. د یادونې وړ ده چې د یاد پلاوي مشري به د شهیدانو او معلولینو چارو وزارت رهبري کوي.

تازه ترین اخبار

سه‌شنبه ۱۴۰۱/۱۱/۱۸ - ۱۵:۱۴
Background image

چهل تن معلول و یتیم از یک دوره آموزشی حرفوی چهارماهه از مرکز حمایوی یتیمان و معلولین وزارت امور شهدا و معلولین فارغ گردیدند

پروگرام آموزشی متذکره چهار ماه قبل از سوی وزارت امور شهدا و معلولین راه اندازی گردیده بود که درآن چهل تن از افراد معلول و یتیم آموزش های حرفوی خیاطی و ترمیم مبایل را به شکل مسلکی آن فرا. . .

پنجشنبه ۱۴۰۱/۱۱/۶ - ۱۱:۱۵
Background image

کمیته باصلاحیت به منظور ترتیب طرح تشکیلاتی وزارت امور شهدا ومعلولین ایجاد گردید

کمیته مذکور که سرپرستی آن را شیخ صاحب عبدالحکیم حقانی معین امور شهدا و معلولین به عهده دارد، در ترکیب آن مولوی کلیم الله افغان رئیس عمومی مالی و اداری، مولوی محمد موسی صدیقی رئیس منابع. . .

سه‌شنبه ۱۴۰۱/۱۱/۴ - ۹:۱۲
Background image

دوصد تن از مستحقین در وزارت امور شهدا و معلولین از مساعدت های زمستانی مستفید گردیدند.

دوصد تن مستحق که شامل یتیمان، زنان بیوه و افراد دارای معلولیت و شماری از خانواده های بی بضاعت میشد، از سوی موسسه خیریه جمعیت کمک های انسانی (HAS) در وزارت امور شهدا و معلولین مساعدت های. . .

BACK TO NEWS