په کابل ولایت کې د شهيدانو کورنیو او بیوزلو خلکو باندې د مرستو کڅوړې ووېشل شوې
د شهيدانو کورنیو په شمول په پنځوسو اړمنو کورنیو باندې په کابل کې د قطر هیواد د سفير ښاغلي سید مبارک ابن خيارين له خوا د کابل ولایت د شهیدانو او معلولینو ریاست په همغږۍ بشري مرستې وویشل شوې.
د کابل ولايت د شهيدانو او معلولينو چارو رئیس ښاغلي قاري شمس الامين زهیر د قطر هیواد دسفیر ښاغلي سید مبارک ابن خیارین څخه د مرستو د کڅوړو د رالیږلو څخه مننه وکړه او زياته يې کړه چې دا اړمن کسان چې اوسمهال په کمزوري اقتصادي وضعيت کې دي همکاري او لاس نيوې یې يو انساني او وجداني کار دی او همدا راز یې د یادو کڅوړو د ویش په برخه کې د روڼتیا ډاډ ورکړ.
