د هلمند ولایت د شهیدانو او معلولینو چارو په ریاست کې اداري غونډه جوړه شوه
د هلمند ولایت د شهیدانو او معلولینو چارو په ریاست کې د کاري بهیر د لا ښه والي او یتیمانو، کونډو او معلولیت لرونکو وګړو ته د غوره خدمتونو وړاندې کولو په موخه د شهیدانو او معلولینو چارو رئیس په مشرۍ اداري غونډه جوړه شوه، په دې غونډه کې د ریاست اړوند کارکوونکو شتون درلود.
په جوړه شوې غونډه کې د هلمند ولایت د شهیدانو او معلولینو چارو رئیس د شهیدانو ورثه ؤ او معلولینو ته د ښو او مؤثرو خدمتونو د وړاندې کولو پر څرنګوالي او د هغوی پر وړاندې د شته ستونزو د له منځه وړلو په هکله هر اړخیزې خبرې وکړې او د کارکوونکو څخه یې وغوښتل تر څو ورسپارل شوي مسؤلیتونه په پوره اخلاص او همغږۍ ترسره کړي.
