په هېواد کې د ملي ماتم په مناسبت د کابل پوهنتون د خونړۍ پېښې د شهیدانو او ټپیانو کورنیو سره غمشریکي
په هېواد کې د ملي ماتم په مناسبت د کابل پوهنتون د خونړۍ پېښې د شهیدانو او ټپیانو کورنیو سره غمشریکي او د قران عظیم الشان ختم وشو
د شهیدانو او معلولینو په چارو کې د دولت وزارت نن د لړم میاشتې په ۱۳ نېټه، چې په هېواد کې د ملي ماتم ورځ ده، د وزارت رییسانو، مشاورینو، کارکوونکو او نورو مسولینو په ګډون پر کابل پوهنتون د ترهګریز برید کې د شهیدانو کورنیو سره د خواخوږۍ او روح ته د دعا په موخه د قران عظیم الشان ختم ترسره کړ او ټپیانو ته یې د خدای ج له درباره د بېړنۍ روغتیا هیله وکړه.
ګډونوالو پر کابل پوهنتون ترهګریز برید وغنده او د انسانیت ضد عمل یې وګڼه. د دې تر څنګ یې په هېواد کې د سولې او ثبات او ملي وحدت د ټینګښت لپاره هم دعاوې وکړې.
