په غزني ولایت کې پر (۳۸۵) تنو مستحقو کسانو باندې مرستې ووېشل شوې
په یادو مرستو کې چې اوړه، وریجې، بوره، غوړي، لوبیا او نور خوراکي مواد شامل وو، د غزني ولایت د شهیدانو او معلولینو چارو ریاست د یوه خیریه بنسټ سره په همغږۍ پر (۳۸۵) تنو مستحقو یتیمانو، کونډو او معلولینو باندې په شفاف او منظم ډول ووېشل.
د مرستو د وېش پر مهال د غزني ولایت د شهيدانو او معلولينو چارو رئيس محترم مولوي محمد انور برادر او د یاد خیریه بنسټ مسؤلينو شتون درلود.
محترم مولوي محمدانور برادر یتیمانو، کونډو او معلولینو ته یې د مرستو چمتو کولو په پار د یاد خیریه بنسټ له مسؤلینو څخه مننه وکړه او د یاد قشر لپاره یې د لازياتو مرستو پر برابرولو ټینګار وکړ.
