د شهیدانو او معلولینو چارو سرپرست او نوماند وزیر له یوې افغانې څېړونکې سیما غني سره وکتل

farahmand_admin
دوشنبه ۱۴۰۰/۵/۱۱ - ۱۳:۴۹
sima

د شهیدانو او معلولینو چارو سرپرست او نوماند وزیر، پوهنمل حمیدالله فاروقي له افغانې څېړونکې سیما غني سره وکتل او د شهیدانو وارثینو او معلولیت لرونکو وګړو د ژوند عمومي وضعیت په اړه بحث وکړ.

په دې غونډه کې، ښاغلي فاروقي د شهیدانو وارثینو او معلولیت لرونکو وګړو د ژوند بېلابېلو برخو ته اشاره وکړه او ویې ویل چې د شهیدانو او معلولینو وزارت هڅه کوي په هېواد کې د جنګي وضعیت او محدودو سرچینو به پام کې نیولو سره د وزارت د خدماتو او فعالیتونو اغېزمنتیا لوړه کړي.

ښاغلي فاروقي یادونه وکړه چې وزارت سږ کال له فساد سره د مبارزې او د روڼتیا لپاره سخت کار کړی دی. هغه زیاته کړه چې د تدقیق او  د اسنادونو د څېړنې کمیټې اوس په مرکز او ولایتونو کې فعالې دي او پاک اسناد له ناپاکو څخه جلا کولو کې بوخت دي، او د تادیې له پروسې څخه یو شمېر پېژندل شوي اسناد حذف شوي دي.

د شهیدانو او معلولینو چارو سرپرست او نوماند وزیر یادونه وکړه چې د وزارت دنده یوازې د معاشونو ورکول نه دي بلکه مستقیم او غیر مستقیم خدمات هم وړاندې کوي لکه د خوراکي او غیر خوراکي توکو د مرستو وېش، بیارغونه، روغتیایي او بیارغونې خدمات، ټولنیز ادغام، د اوسېدو ځای برابرول، د حرفوي او مسلکي زده‌کړو  زمینه برابرول، کارموندنه او نور موضوعات هم دي.

د غونډې په لړ کې، د شهیدانو او معلولینو چارو وزارت سرپرست او نوماند وزیر ښاغلی فاروقي ټینګار وکړ چې د شهیدانو وارثینو او معلولیت لرونکو وګړو ته د نړیوالې ټولنې مرستې خورا لږې او کافي نه دي.  هیله څرګنده کړه چې دا مرستې به زیاتې شي او هیله یې څرګنده کړه چې د هېواد له له حالت سره به دا مرستې به زیاتې شی او د دې مرستې په سمه توګه اداره کولو او د اغېزمنتیا د لوړولو لپاره به هڅې وشي.

تازه خبرونه

یکشنبه ۱۴۰۴/۶/۹ - ۱۴:۱۹
Background image

په لغمان ولایت کې پر (۱۸۰) تنو مستحقو یتیمانو باندې مرستې ووېشل شوې

د لغمان ولایت د شهیدانو او معلولینو چارو ریاست د لایف خیریه مؤسسې سره په همغږۍ د یاد ولایت اړوند پر (۱۸۰) تنو مستحقو یتیمانو باندې مرستې ووېشلې، په یادو مرستو کې اوړه، وریجې، غوړي او د. . .

یکشنبه ۱۴۰۴/۶/۹ - ۱۴:۱۷
Background image

د شهیدانو او معلولینو چارو وزارت او د (HHRD) مؤسسې ترمنځ د هوکړه لیک لاسلیک

د شهیدانو او معلولینو چارو وزارت په کابل، کندهار او ننګرهار ولایتونو کې د شهیدانو کورنيو او معلولینو لپاره د څښاک صحي اوبو د برابرولو په موخه، د (HHRD) مؤسسې سره د (۴۲) زره ډالرو په. . .

یکشنبه ۱۴۰۴/۶/۹ - ۱۴:۱۳
Background image

د شهيدانو او معلولينو چارو وزیر محترم الحاج ملا عبدالمجید آخند د زابل او لوګر ولايتونو له واليانو سره وکتل

 د شهیدانو او معلولینو چارو وزیر محترم الحاج ملا عبدالمجید آخند په خپل کاري دفتر کې د زابل والي محترم مولوي شیرمحمد شریف او د لوګر ولایت له والي محترم قاري صلاح الدين ايوبي سره جلا جلا. . .

BACK TO NEWS