د شهيدانو او معلولينو چارو وزارت نوي ګمارل شوي رییسان معرفي شوه
د شهيدانو او معلولينو چارو وزارت نوي ګمارل شوي رییسان معرفي شوه
نن شنبه د (وري میاشتې ۲۸) د شهیدانو او معلولینو چارو وزارت (د کورنۍ پلټنې، اطلاعاتو او عامه اړيکو، څارنې او ارزونې او حقوقي چارو سلاکار) چې د اداري اصلاحاتو او ملکي خدمتونو خپلواک کمېسیون د ازادې سيالۍ له لارې یادو بستونو ته بريالي شوي وو، د جمهوري رياست عالي مقام د حکم پر بنسټ رسما معرفي او دندې یې پیل کړې.
د شهيدانو او معلولينو چارو سرپرست وزير پوهنمل حميدالله فاروقي د یادو رییسانو د پېژندنې ناسته کې ټولو ته د مبارکۍ ترڅنګ وويل: د شهيدانو او معلولينو چارو وزارت په وياړ او سرلوړۍ د ټولنې يو سرښندونکي قشر ته خدمتونه وړاندې کوي او په دې برخه کې ټول مسول یو، چې له شته امکاناتو په ګټنې په دوامداره توګه اغيزناک کار وکړو.
ښاغلي فاروقي هيله وښوده، چې یادو برخو کې د نوو او زده کړو ځوانانو ګمارنه به د چارو ښه والي او بدلون کې مثبت نقش ترسره کړي.
دغه راز یې څرګنده کړه، چې وزارت له بېلا بېلو ملي او نړيوالو بنسټونو سره د ګډ کار او همغږۍ پر بنسټ هڅې کوي، څو په دې برخه کې د اړيکو پياوړتيا رامنځته شي.
ښاغلي فاروقي زیاته کړه، چې د هېواد لپاره ټول په يو تاريخي او مهم پړاو کې يو، هر یو بايد د مسوليت اخیستنې، خدمتونو وړاندې کولو او د خپلو احساساتو برخه کې متفاوت عمل وکړي. دا ډول یې وویل: په اوسنیو حالاتو کې بايد مشترک کار وکړو او د چارو په تنظيم کې له يو او بل سره لازمه همغږي او همکاري ولرو.
نوو بریالیو شوو رييسانو محمد عمر مايار د کورنۍ پلټنې رييس، غلام عباس فراسو د اطلاعاتو او عامه اړيکو رييس، سميه نبيل د څار او ارزونې رييسه او هارون محمدزی د حقوقي مشاور په توګه د خپلو کاري تجربو او برنامو شريکولو ترڅنګ، ژمنه وکړه چې د چارو او د ادارې د وضعيت د ښه والي په موخه د قوانينو او مقرراتو سره سم به په مسوولانه ډول خپلو هڅو ته دوام ورکړي.
