د شهيدانو او معلولينو په چارو کې د دولت وزير لعل الدين اريوبي د پروان ولايت د شهيدانو وارثينو او معلولينو استازو سره وليدل
د شهيدانو او معلولينو په چارو کې د دولت وزير لعل الدين اريوبي د پروان ولايت د شهيدانو وارثينو او معلولينو استازو سره وليدل
د شهيدانو او معلولينو په چارو کې د دولت وزير لعل الدين اريوبي، پروان ولايت ته د سفر په لړ کې د دغه ولايت د شهيدانو وارثينو، کورنيو غړو او معلوليت لرونکو وګړو له استازو سره په بېلا بېلو ناستو کې وکتل او د هغوی ستونزې، وړانديزونه او غوښتنې يې واورېدې.
ښاغلي اريوبي په وزارت کې د تازه اصلاحاتو او پرمختګونو د يادونې ترڅنګ زياته کړه، چې د پروان جګړو ځپلو، شهيدانو کورنيو او معلوليت لرونکو وګړو ستونزو ته رسيدنه د وزارت له لومړيتوبونو څخه دي او په دې برخه کې يې د اسانتياوو په را منځته کولو ټينګار وکړ.
ښاغلي آريوبي ژمنه وکړه، چې د ټول هېواد په کچه د شهيدانو وارثينو او معلوليت لرونکو وګړو د اسنادو ثبت او څېړنې پروسه به په پوره روڼتيا ارزيابي کېږي، د فساد او جعلي اسنادو مخه به نيول کېږي او لنډه يې دا چې مستحقين به پر ټاکلي وخت له خپلو حقونو او امتيازاتو برخمن کېږي.
