د نیمروز ولایت د شهیدانو او معلولینو چارو ریاست لپاره نوی رئیس معرفي او په کار یې پیل وکړ
د افغانستان اسلامي امارت د ریاست الوزراء عالي مقام د حکم پر اساس او د شهیدانو او معلولینو چارو وزارت د وړاندیز له مخې، محترم مولوي میر احمد منیر د نیمروز ولایت د شهیدانو او معلولینو چارو ریاست د نوي رئیس په توګه د یاد ریاست اړوند کارکوونکو ته رسماً معرفي او خپله دنده یې پیل کړه.
د نیمروز ولایت د شهیدانو او معلولینو چارو ریاست کې په همدې موخه جوړه شوې غونډه کې د هرات ولایت د شهیدانو او معلولینو چارو رئیس محترم مولوي علاؤالدین سعد، د نیمروز ولایت اړوند پخواني رئيس محترم مولوي محمد آصف فاتح، د یاد ولایت د کارکوونکو چارو امر محترم مولوي سراج الدین فرهاد او د ریاست اړوند کارکوونکو ګډون درلود.
د یادونې وړ ده چې محترم مولوي میر احمد منیر تر دې وړاندې د هرات ولایت د شهیدانو او معلولینو چارو آمر په توګه دنده ترسره کوله.
