‎ د شهیدانو او معلولینو په چارو کې د دولت وزیر، د کرنې، اوبو لګونې او مالدارۍ وزیر سره په لیدنه کې د دې وزارت په پروژو او خدماتو کې د معلولینو په مشخصې ونډې ټینګار وکړ

sadiq_admin
سه‌شنبه ۱۳۹۹/۱۰/۲۳ - ۹:۹
ss

د شهیدانو او معلولینو په چارو کې د دولت وزیر، د کرنې، اوبو لګونې او مالدارۍ وزیر سره په لیدنه کې د دې وزارت په پروژو او خدماتو کې د معلولینو په مشخصې ونډې ټینګار وکړ.

د شهيدانو او معلولينو په چارو کې د دولت وزير ښاغلي لعل الدین آریوبی، د کرنې، اوبو لګونې او مالدارۍ له وزیر ښاغلي انورالحق احدي سره وکتل او د کرنې، اوبو لګونې او مالدارۍ وزارت په پروژو او خدماتو کې د معلوليت لرونکو وګړو د ونډې پر څرنګوالي يې خبرې وکړې.

ښاغلي اریوبی لومړی د معلولیت هرې اړخیزې ملي ستراتیژۍ پراختیا ته اشاره وکړه او هيله يې وښوده، چې دا ستراتیژي به د ټولو دولتي ادارو په همکارۍ، چې د عمل پلان يې مخکې له مخکې له هرې اړوندې ادارې سره شريک شوی، له پلان سره سمه پلې شي.

ښاغلي آریوبي څرګنده کړه، چې د معلولیت لرونکو وګړو ستونزو ته رسيدنه او ملاتړ د ټولو دولتي ادارو ګډ مسؤلیت دی او اړوندې ادارې باید په دې برخه کې خپل انساني او اخلاقي مسؤلیت ادا کړي.

نوموړي زیاته کړه چې د کرنې ، اوبولګولو او مالدارۍ وزارت یو سکتوري وزارت دی او هيله ده چې ياد وزارت د مرکز او ولایتونو په ټولو پروژو او په لومړنيو خدمتونو کې د معلولیت لرونکو وګړو لپاره یو ټاکلی سهم په پام کې ونيسي.

د کرنې، اوبولګولو او مالدارۍ وزیر ښاغلي انورالحق احدي هم د موجوده هوکړې او تګلارې سره سم د لا زیاتو اسانتیاوو په برابرولو او د معلولیت لرونکو وګړو په ګمارلو کې د لازمې همکارۍ ډاډ ورکړ او د خپل وزارت اړوندو څانګو ته یې لارښوونه وکړه، چې د معلولينو ملي ستراتیژۍ د کاري پلان د پلي کیدو په برخه کې لازمي اقدامات وکړي او خپله همکاري او همغږي د شهيدانو او معلولينو په چارو کې د دولت له وزارت سره پياوړې او دوامداره کړي.

تازه خبرونه

چهارشنبه ۱۳۹۹/۱۱/۸ - ۱۵:۷
Background image

د شهیدانو او معلولینو چارو سرپرست وزیر د وزارت مسولینو او کارکوونکو سره تعرفي لیدنه وکړه

نن چهارشنبه د (سلواغی میاشتې ۸ نېټه) د شهیدانو او معلولینو چارو سرپرست ښاغلي پوهنمل حمیدالله فاروقي د وزارت مرستیالانو، رئيسانو، مشاورینو او کارکوونکو سره وکتل؛

چهارشنبه ۱۳۹۹/۱۱/۸ - ۱۰:۲۴
Background image

د شهیدانو او معلولینو چارو وزارت سرپرست او نوماند وزیر په رسمي توګه د دې ادارې کارکوونکو ته وروپېژندل شو

نن سه شنبه د (سلواغې میاشتې ۷ نېټه) د شهیدانو او معلولینو چارو سرپرست او نوماند وزیر ښاغلی پوهنمل حمید الله فاروقي د یوې سترې غونډې په ترڅ کې د جمهوري ریاست د چارو ادارې د لوی رییس. . .

چهارشنبه ۱۳۹۹/۱۱/۱ - ۱۰:۱
Background image

معلوماتو ته د شهیدانو د ورثې او معلولینو د اسانه لاسرسي په موخه د وزارت ویب سایټ موبایل اپلکېشن ته بدلېږي

د شهیدانو او معلولینو چارو وزیر لعل الدین آریوبي او د رهبرۍ غړو ته د وزارت ویب سایټ د موبایل اپلیکېشن بڼې ته د بدلولو د کار د لومړي پړاو په اړه معلومات وړاندې شوه.

BACK TO NEWS