په کندهار ولايت کې پر سلګونو مستحقو کورنیو باندې مرستې ووېشل شوې
د کندهار ولايت د شهیدانو او معلولینو چارو ریاست د یوې خیریه مؤسسې په همغږۍ د شهیدانو او معلولینو پر (۹۰۰) کورنیو باندې مرستې چې په هغه کې اوړه، وریجې، غوړي او نور خوراکي توکي شامل وو، په منظم ډول پر مستحقو کورنیو ووېشل.
د مرستو د وېش پر مهال د کندهار ولايت د شهیدانو او معلولینو چارو ریاست مسؤلینو او د خیریه مؤسسې استازو شتون درلود، مرسته اخیستونکو هم د شهیدانو او معلولینو چارو ریاست څخه خوښي وښوده او هیله یې څرګنده کړه چې په راتلونکي کې دې هم ورسره ورته مرستې ترسره شي.
په ورته وخت کې د یاد ریاست مسؤلینو هم ډاډ ورکړ چې د شهیدانو ورثه وو او معلولینو لپاره به د لا زياتو مرستو د برابرولو په برخه کې خپلو هڅو ته دوام ورکړي.
