په لوګر ولایت کې د یو شمېر شهیدانو له کورنيو سره نغدي مرسته ترسره شوه
د لوګر ولایت د شهیدانو او معلولینو چارو رئیس محترم مولوي نیازمحمد هجرت چې یاد ریاست د خاصو شهیدانو مدیر محترم سیف الرحمن مدني یې ملتیا کوله، د لوګر ولایت په برکي برک او چرخ ولسوالېو کې د شهیدانو څلور کورنيو سره یې له نږدې وکتل، د خواخوږۍ او همدردي ترڅنګ یې، هر کورنۍ سره یو اندازه نغدي مرسته هم ترسره کړه.
محترم مولوي نیازمحمد هجرت د شهیدانو له کورنيو سره په کتنه کې وویل: په هېواد کې اسلامي نظام ستاسو د قربانیو په برکت راغلی دی او د اسلامي امارت مشران به هېڅکله ستاسو سرښندنې او قربانۍ هېرې نه کړي.
