په برېښنايي سیسټم کې د شهيدانو ورثې او معلولينو د اسنادو ثبت پروسه دې چټکه شي
په برېښنايي سیسټم کې د شهيدانو ورثې او معلولينو د اسنادو ثبت پروسه دې چټکه شي
نن شنبه د مرغومې په ۲۰مه، د شهيدانو او معلولينو په چارو کې د دولت وزير لعل الدين آريوبي د وزارت له برېښنايي سيسټم مسوولينو سره ناسته وکړه.
ښاغلي آريوبي د برېښنايي سيسټم له مسوولينو وغوښتل، چې په سيسټم کې د شهيدانو ورثې او معلوليت لرونکو وګړو د اسنادو ثبت پروسه چټکه کړي، څو په بشپړ ډول د روڼتيا د ټينګښت سبب وګرځي.
ښاغلي آريوبي څرګنده کړه، چې ټولې هغه ستونزې چې د ياد سيسټم د تطبيق پر وړاندې خنډونه جوړوي، تشخيص او د هواري په موخه یې بايد له اړوندو ادارو سره په ګډه کار وشي.
نوموړي برېښنايي سيسټم ته د شهيدانو ورثې او معلوليت لرونکو وګړو د اسنادو زياتول د وزارت لومړيتوبونه وبلل او په دې برخه کې يې له مسوولو کسانو د لازمو اقدماتو غوښتنه وکړه.
