د کابل ولایت د شهيدانو او معلولينو چارو په رياست کې سلګونه یتیمانو، کونډو او معلولینو باندې ژمني توکي ووېشل شول
د کابل ولایت د شهيدانو او معلولينو چارو رياست د ZAF خیریه مؤسسې سره په همغږۍ پر (۳۴۶) تنو مستحقو یتیمانو، کونډو او معلولیت لرونکو وګړو ته د سوند توکي او کمپلې ووېشلې په دې ترتیب هر مستحق (۴۲۰) کیلوګرامه د سوند لرګي (۲۱۰) کیلو ګرامه د ډبرو سکاره او کمپلې ترلاسه کړې.
د مرستو د وېش پر مهال د کابل ولایت د شهيدانو او معلولينو چارو رئيس محترم قاري شمس الامین زهیر، د وزارت د نشراتو آمر محترم حافظ محمد یعقوب عبیده، د (ZFA) خیریه مؤسسې رئیس محترم ډاکټر حمیدالدین یولداش، د څارنې او ارزونې رياست استازي محترم محمد فاروق ځلاند او یو شمېر نورو کارکوونکو شتون درلود.
