د شهیدانو ورثه ؤ او معلولینو د پالنې په مرکز کې یو سل او دیرشو (۱۳۰) تنو مستحقو یتیمانو او معلولینو ته د حرفوي زده کړو پنځه میاشتنی پروګرام پیل شو

nasrat_admin
دوشنبه ۱۴۰۳/۱/۲۰ - ۱۱:۱۳
mmd

د ۱۴۰۳ کال لپاره د فني او حرفوي زده کړو (د موبایل، یخچال، آیرکنډیشن، کورني برېښنایي وسایلو، موټر، موټرسایکل، جنراټور، کمپیوټر ترمیم او همداراز د خیاطۍ زده کړې) په برخو کې د (HHRD) خیریه مؤسسې په مالي ملاتړ د نویو زده کوونکو لپاره پروګرام پیل شو چې په هغه کې به (۱۳۰) تنو یتیمانو او معلولینو ته په پورتنېو ذکر شویو برخو کې زده کړې ورکړل شي.

یاد روزنیز پروګرام چې د شهیدانو او معلولینو چارو وزارت د مالي او اداري چارو عمومي رئیس محترم مولوي کلیم الله افغان له خوا د پټۍ په پرې کولو سره پیل شو په هغه کې د وزارت د دفتر رئیس محترم قاري شاه محمد دوست، د شهیدانو ورثه ؤ او معلولینو د پالنې مرکز رئیس محترم ملا رحمت الله خالد، د (HHRD) خیریه مؤسسې همغږي کوونکي محترم انجنیر شاکر الله امین او د یاد ریاست اړوند آمرینو او کارکوونکو ګډون درلود.

په دې پروګرام کې محترم مولوي کلیم الله افغان د فني او حرفوي پروګرامونو له زده کوونکو سره د کتنې پر مهال وویل: یوه ټولنه او هېواد هغه وخت ښیرازۍ ته رسیږي چې هر وګړی یې ورسپارل شوی مسؤلیت په پوره اخلاص سره ترسره کړي او په دې برخه کې موږ او تاسو ټول یو شان مسؤلیت لرو تر څو خپل هېواد په ګډه آباد کړو او دا ستاسو لپاره ډیر ښه فرصت دی چې له دې فرصتونو څخه باید په پوره توګه ګټه پورته کړئ.

هغه همداراز د یاد مرکز زده کوونکي وهڅول تر څو له وخت څخه د ګټې په اخیستو د استادانو درناوی او درسونو ته پوره پاملرنه وکړي.

محترم مولوي کلیم الله افغان د دې پروګرام تر څنګ د هغې لیلیې له ودانې څخه هم لیدنه وکړه چې د لرې پرتو سیمو د زده کوونکو لپاره په معیاري او اساسي ډول چمتو شوې ده.

د یادولو وړ ده د پروګرام په پای کې د (HHRD) خیریه مؤسسې له لوري هر یو زده کوونکي ته د خوراکي توکو تر څنګ (۳۵۸۰) افغانۍ د نغدي مرستې په توګه هم ورکړل شوې.

تازه خبرونه

شنبه ۱۴۰۳/۲/۲۹ - ۱۴:۵۸
Background image

د لوګر ولايت په خوښۍ ولسوالۍ کې د شهيدانو او معلولینو چارو رياست اړوند مدیریت له کاري بهیر څخه ارزونه ترسره شوه

د لوګر ولايت د شهيدانو او معلولینو چارو رئيس محترم مولوي نیازمحمد په مشرۍ یو پلاوي د دې ولایت په خوښۍ ولسوالۍ کې د ياد رياست اړوند مدیریت کاري بهیر څخه هر اړخیزه ارزونه ترسره کړه او د. . .

شنبه ۱۴۰۳/۲/۲۹ - ۱۱:۵۶
Background image

د پکتيکا ولایت د شهيدانو او معلولینو چارو رئيس د دې ولایت د عامې روغتيا له رئيس سره وکتل

په دې کتنه کې د پکتيکا ولایت د شهيدانو او معلولینو چارو رئيس محترم مولوي محمد نبي وهاج معلولينو ته په مرکز او ولسوالېو کې د روغتیايي اسانتياوو برابرولو او صحي خدمتونو ته د هغوی د لاسرسي. . .

شنبه ۱۴۰۳/۲/۲۹ - ۱۰:۵۹
Background image

په کنړ ولايت کې له یو شمېر معلولینو سره د اقتصادي ځان بساینې په موخه مرستې ترسره شوې

د کنړ ولايت د شهيدانو او معلولینو چارو رياست د ميرمنو لپاره د مهارتونو د زده کړو او تحقيق مؤسسې سره په همغږۍ په دې ولايت کې (۱۲) تنو معلولینو ته د اقتصادي ځان بساینې په موخه مرستې. . .

BACK TO NEWS