با ۵۵۰ فامیل نیروهای امنیتی کمک مواد خوراکی و مواد لازم صورت گرفت
د امنیتي ځواکونو ۵۵۰ کورنۍ له خوراکي او نورو توکو څخه برخمنې شوې
طبیعي پېښو ته د رسېدو په چارو کې د دولت وزارت د شهید د اونۍ په مناسبت د امنیتي ځواکونو د شهیدانو او ټپیانو له ۵۵۰ کورنیو سره چې د کابل ولایت د بیلابیلو ځانمرګو بریدونو له امله ټپیان یا هم شهیدان شوي وو د خوراکي او نورو اړینو توکو مرسته وکړه.
د دغو مرستو د وېش لړۍ د یاد وزارت مرستیال ښاغلي مطیع الله ″ صافی ″ ، د شهیدانو او معلولینو په چارو کې د دولت وزارت د مالي او اداري چارو مرستیال ښاغلي دل آقا ″ صوفی زاده ″ او د کابل ولایت والي ښاغلي محمد یعقوب ″ حیدري ″ په شتون سره د طبیعي پېښو په چارو کې د دولت وزارت په ځای کې ترسره شوه.
په ورکړل شویو خوراکي او نورو توکو کې غنم ، وریځې ، غوړي ، بوره ، بوټونه او پلاستیکي لوښي شامل وو چې د شهیدانو او ټپیانو د اړمنو کسانو تر لیدنې او ګرویږنې وروسته هغوی ته وویشل شول.
د دې تر څنګ ښاغلي محمد یعقوب ″ حیدري ″ د خپلو خبرو په ترځ کې وویل چې په پام کې لري ترڅو د امنیتي ځواکونو ۱۳۰۰ کورنیو ته کورونو وویشل شي او په هر هغه ښارګوټي کې چې د کابل په ښار کې جوړیږي د شهیدانو د ورثوو ونډه په پام کې ونیول شي.
