د شهیدانو او معلولینو چارو وزارت د کارکوونکو لپاره د اداري اصلاحاتو او ملکي خدمتونو انسټیټوت لخوا د دایر شویو روزنیز ورکشاپونو د مؤثریت د تشخیص په موخه غونډه جوړه شوه چهارشنبه د ۱۴۰۲ کال د وږي ۱۵ په هغه غونډه کې چې په همدې موخه د شهیدانو او معلولینو چا
په هغه غونډه کې چې په همدې موخه د شهیدانو او معلولینو چارو وزارت کې جوړه شوې وه، په هغه کې د مالي او اداري چارو عمومي رئيس ښاغلي مولوي کلیم الله افغان، د بشري سرچینو رئیس ښاغلي مولوي محمد موسی صدیقي او د اداري اصلاحاتو او ملکي خدمتونو انسټیټوت څیړونکي ښاغلي محمد نسیم ګډون کړی وو.
په دې غونډه کې د شهیدانو او معلولینو چارو وزارت کارکوونکو ته چې د اداري اصلاحاتو او ملکي خدمتونو انسټیټوت لخوا په (۱۴۰۱) لمریز کال په بیلابیلو مدیریتي، حمایوي او ظرفیت لوړونې په برخو کې زده کړې ورکړل شوې وې، په کاري چاپیریال کې یې د مؤثریت د تشخیص پر څرنګوالي هر اړخیز بحث وشو.
په دې غونډه کې د یاد وزارت د مالي او اداري چارو عمومي رئیس ښاغلي مولوي کلیم الله افغان د اداري اصلاحاتو او ملکي خدمتونو انسټیټوټ له لوري د روزنیزو پروګرامونو په لاره اچول د کارکوونکو د ظرفیت په لوړولو کې خورا مهم وبلل او په یاده برخه کې یې د هراړخیزې همکارۍ ډاډ ورکړ.
د یادونې وړ ده چې د یادو ورکشاپونو مؤثریت به د هغو کارکوونکو په کاري چاپيریال کې وڅیړل شي چې د یاد انسټیټوت په روزنیزو ورکشاپونو کې یې ګډون کړی وي.
