په کونړ ولايت کې په څلور سوه بیوزلو کورنېو باندې د خوراکي توکو مرستې ووېشل شوې

په کونړ ولايت  کې د ترکیې هیواد د IHH خیریه بنسټ لخوا په  شهیدانو کورنېو  او معلولیت لرونکو وګړو باندې د مرستو کڅوړې وویشل شوې. دغه مرستې چې په لس ډوله خوراکي توکو شاملې وې، د کونړ ولايت د شهيدانو او معلولينو چارو رياست په همغږۍ د IHH خيريه بنسټ له لورې پر یتیمانو او معلولیت لرونکو وګړو ووېشل شوې.

له همدې امله د کونړ ولايت مقام مالي او اداري رئيس ښاغلي حامد ابراهيم شاهين او د شهيدانو معلولينو چارو رئيس ښاغلي مولوي عبيدالله حقاني  پر اړمنو کورنیو د مرستو د ویش له امله خوښي څرګنده کړه او د مننې ترڅنګ یې په روژې مبارکې  میاشت کې دا ډول مرستو وېش خورا اړین وباله او د یاد بنسټ  هڅې یې وستایلې.

په پای کې د IHH خیریه بنسټ استازو یاد ریاست سره د لا زیاتو مرستو پر لړۍ ټینګار وکړ.