نظامي معلولینو ته به کاري فرصتونه برابر شي
نظامي معلولینو ته به کاري فرصتونه برابر شي
د شهیدانو او معلولینو چارو سرپرست وزیر پوهنمل حمید الله فاروقي د یو شمېر نظامي معلولینو استازو سره وکتل.
د نظامي معلولینو په استازیتوب محترم جلال افغان پوهنمل فاروقي ته د نوي مسولیت مبارکي ورکړه وویل، چې د نظامي معلولینو د تیرو کلونو پانې حقوق باید ورکړل شي، د دې تر څنګ په دولتي ادارو کې دې د دوی ګمارنې ته هم پاملرنه زیاته شي او کابل ښاروالۍ د غرفو په توضیع کې دوي ته خاصه ونډه ورکړي.
د شهیدانو او معلولینو چارو سرپرست وزیر ښاغلي فاروقي د نظامي معلولینو له راتګ مننه وکړه، هېواد او ولس ته د دوی قربانۍ یې وستایلې او تر ټولو مستحق خلک یې وګڼل زیاته یې کړه: د نظامي معلولینو پاتې حقوقو د ورکړې، په دولتي ادارو کې د ګمارنې او کابل ښاروالۍ سره په همغږي به دوي ته د غرفو په توضیع کې خاصه پاملرنه وکړي. ښاغلي فاروقي د وزارت راتلونکي برنامې له ګډونوالو سره شریکې کړی او هیله یې څرګنده کړه چې ډیر ژر به د نظامي معلولینو او د شهیدانو وارثینو لپاره جلا کوډ جوړ او حقوق به یې له ځانګړی بودیجې څخه ورکړل شي.
