روان مالي کال کې به نظامي معلولینو ته ځانګړې پاملرنه وشي
روان مالي کال کې به نظامي معلولینو ته ځانګړې پاملرنه وشي
د شهیدانو او معلولینو چارو سرپرست وزیر پوهنمل حمید الله فاروقي د یو شمېر نظامي معلولینو استازو سره وکتل.
د نظامي معلولینو په استازیتوب رحیم الله رحیمي پوهنمل فاروقي ته د نوي مسولیت مبارکي ورکړه وویل، چې د نظامي معلولینو حقوق باید پر وخت ورکړل شي، د دې تر څنګ په دولتي ادارو کې دې د دوی ګمارنې ته هم پاملرنه زیاته شي او دا چې د ویلچیرونو کمښت او شدیدې اړتیا سره مخ دي، باید په اړه یې اقدام وشي.
د شهیدانو او معلولینو چارو سرپرست وزیر ښاغلي فاروقي د نظامي معلولینو له راتګ مننه وکړه، هېواد او ولس ته د دوی قربانۍ یې وستایلې او تر ټولو مستحق خلک یې وګڼل زیاته یې کړه: نظامي معلولینو او د شهیدانو ورثې ته رسیدګي مو لومړیتوب دی. روان مالي کال کې به د نظامي معلولینو د پاتې حقوقو د ورکړې، په دولتي ادارو کې د ګمارنې او ویلچیرونو برابرولو په اړه جدي اقدامات ترسره شي.
________________
