د شهيدانو او معلولينو په چارو کې د دولت وزارت په مشرۍ د کمک (COMAC) نړېوالې موسسې، له جګړو اغېزمنو کورنیو سره اقتصادي مرسته وکړه
د شهيدانو او معلولينو په چارو کې د دولت وزارت په مشرۍ د کمک (COMAC) نړېوالې موسسې، له جګړو اغېزمنو کورنیو سره اقتصادي مرسته وکړه
نن چهارشنبه د مرغومې په دويمه ، د کمک نړېوالې موسسې د مرکزي زون دفتر لخوا د جګړو ځپليو کورنیو سره د ځان بساينې په موخه اقتصادي مرسته وکړه.
د مرستو د وېشلو یاد بهیر ته د شهیدانو او معلولینو په چارو کې د دولت وزارت د خدمتونو وړاندې کوونکې او ملاتړ مرستياله جميله نورستانۍ هم ور بلل شوې وه.
آغلې نورستانۍ د کمک موسسې څخه مننه وکړه، چې له وزارت سره په همغږۍ په افغانستان کې له جګړو ځپليو کورنیو سره په بېلا بېلو برخو کې مرستې کوي او د هغوی د اقتصادي پياوړتيا او ځان بساینې لپاره هڅې او فعاليتونه ترسره کوي.
نوموړې په وروستيو پېښو کې د شهيدانو کورنيو ته د تسليت مراتبو د څرګندولو تر څنګ، له هغوی وغوښتل چې د شهيدانو او معلولينو په چارو کې د دولت وزارت ته ورشي، ځانونه ثبت او راجستر کړي، څو له خپلو کلنيو حقونو برخمن او ستونزو ته يې پر وخت رسيدنه وشي.
