د معلولینو ملي ستراتېژۍ د وروستۍ بیا کتنې د دویمې ورځې فعالیت
د معلولینو ملي ستراتېژۍ د وروستۍ بیا کتنې د دویمې ورځې فعالیت
د معلولینو ملي ستراتېژۍ د وروستۍ بیا کتنې ورکشاپ دویمه ورځ په ګروپي کار متمرکزه وه. د معلولینو استازي په پینځو کاري ګروپونو وېشل شوي وو، تر څو د ستراتیژۍ د پراختیا او هر اړخیزه کولو لپاره خپلې غوښتنې، نظرونه او وړاندیزونه په ګروپي ډول مطرح او وړاندې کړي.
دغه کاري ګروپونه عمومي زده کړو، د ټولنې پر بنسټ پیاوړتیا او چټکو اقداماتو، د ژوند کولو فرصتونو، ورزش او د سیاسي مشارکت حقوقو او طبیعي پېښو سره د مبارزې او بشردوستانه اقداماتو ته د لاسرسي په کټګوریو وېشل شوي وو او د هر ګروپ استازي د ګروپ د غړو له لوري لیکل شوي نظرونه، وړاندیزونه او غوښتنې د ورکشاپ ګډونوالو ته واورل او په دې اړه یې پوښتنو ته ځوابونه ورکړل.
د ګروپونو استازو په ټولنه کې د معلولینو پر وړاندې پرتو ستونزو، ننګونو، د امکاناتو او فرصتونو محدودیت او نورو اړوندو مسایلو او حل لارو هر اړخیز بحثونه وکړل.
د معلولینو د ملي ستراتېژۍ د وروستۍ بیا کتنې ورکشاپ څلورو ورځو ته ورغځېد، چې مالي او تخنیکي لګښت یې د هینډي کپ انټرنېشنل موسسې پر غاړه دی او نن یې دویمه ورځ وه، چې د کاري ګروپونو فعالیت یې اصلي برخه وه، سبا او بله ورځ به هم کډونوال په ګروپي توګه معلولینو ته د خدمتونو وړاندې کولو په مېکانېزمونو او دوی ته د بودجې موندنې، فزیکي لاسرسي، زده کړو، اسانتیاوو، کارموندنې، روغتیایي، عامه پوهاوي او نور فرصتونو په اړه خپلې غوښتنې او نظرونه مطرحه کړي.
