د رهبري شورا فوق العاده غونډه ترسره شوه

farahmand_admin
سه‌شنبه ۱۴۰۰/۵/۱۹ - ۹:۷
نشست

د وزارت د رهبري شورا فوق العاده غونډه د شهیدانو او معلولینو چارو سرپرست او نوماند وزیر پوهنمل حمیدالله فاروقي په مشرۍ جوړه شوه، په دې غونډه کې د شهیدانو وارثینو او معلولیت لرونکو وګړو پاتې معاشونو تادیې ګړندي کولو او د 1400 مالي کال بودیجې مصرف کولو څرنګوالي په اړه بحث وشو.

د غونډې په پیل کې د شهیدانو او معلولینو چارو سرپرست او نوماند وزیر، پوهنمل حمیدالله فاروقي د هېواد وضعیت ته په اشاره وویل ملي خواکونه له ملي حاکمیت او ملي ارزښتونو څخه دفاع کوي او د ملي ځواکونو له اتلولیو او قربانیو ستاینه یې وکړه.

په دې ناسته کې، د شهیدانو وارثینو او معلولیت لرونکو وګړو ته د ورکړل شوي معاشونو وضعیت تحلیل او ارزول شوی، او اړوندو څانګو ته لارښوونه شوې چې هغه کسانو ته چې د پخوانۍ کړنلارې له مخې معاشونه نه دي ورکړل شوي، د م11 او ش12 د نوې کړنلارې تصویب او پلي کېدو سره یې ستونزې حل او پروسه به کړندۍ شي.

همدارنګه په دې ناسته کې، د شهیدانو او معلولینو چارو سرپرست او نوماند وزیر اړوندو څانګو ته لارښوونه وکړه چې د شهیدانو وارثینو او معلولیت لرونکو وګړو حقوق یې ورکړي، کوم چې د د نوي طرزالعمل د رهبري شورا له برېکړې وروسته  پلي شي. په دې شرط چې دوی بایومیټریک برخې ته مراجعه وکړي او خپل معلومات په سیسټم کې ثبت کړي.

د دې پریکړې له مخې، که د شهیدانو وارثان او معلولیت لرونکي وکړي په سیسټم کې د نوم لیکنې لپاره ور نه شي، او یا په سیسټم کې د دوی توضیحاتو ثبتولو څخه انکار وکړي، د دوی پاتې حقونه نه حواله کېږي.

تازه خبرونه

پنجشنبه ۱۴۰۰/۵/۲۱ - ۹:۶
Background image

د مالي او اداري چارو لوی رییس د وزارت د مالي او اداري چارو پر چټکتیا، روڼتیا او همغږۍ تاکید وکړ

د شهیدانو او معلولینو چارو وزارت د مالي او اداري چارو لوی رییس ښاغلي ضیاالحق فضلي د مالي او اداري چارو د لوی ریاست مسولینو او کارکوونکو سره د یوې تعرفي ناستې پر مهال د مالیي او اداري. . .

سه‌شنبه ۱۴۰۰/۵/۱۹ - ۹:۱۶
Background image

د شهیدانو او معلولینو چارو وزارت د  مالي او اداري چارو لوی ریاست سرپرست معرفي شو

د شهیدانو او معلولینو چارو سرپرست او نوماند وزیر، پوهنمل حمیدالله فاروقي، د ملي شورا  استازو، د ولسمشر سلاکارانو، د دولتي ادارو او نړیوالو موسساتو استازو، د وزارت د رهبري شورا هییت غړو. . .

سه‌شنبه ۱۴۰۰/۵/۱۹ - ۹:۷
Background image

د رهبري شورا فوق العاده غونډه ترسره شوه

د وزارت د رهبري شورا فوق العاده غونډه د شهیدانو او معلولینو چارو سرپرست او نوماند وزیر پوهنمل حمیدالله فاروقي په مشرۍ جوړه شوه، په دې غونډه کې د شهیدانو وارثینو او معلولیت لرونکو وګړو. . .

BACK TO NEWS