د سرپل ولایت د نظامي او ملکي شهیدانو او معلولینو د ۱۳۹۹کال د حقوقو ورکړې راپور
د سرپل ولایت د نظامي او ملکي شهیدانو او معلولینو د ۱۳۹۹کال د حقوقو ورکړې راپور
د شهیدانو او معلولینو په چارو کې د دولت وزارت د رهبرۍ د پرېکړې پر بنسټ د سرپل ولایت نظامي او ملکي معلولینو ته د ۱۳۹۹ کال حقوقو ورکړه پیل شوې ده.
د یاد ولایت د شهیدانو او معلولینو چارو آمریت د راپور پر اساس د دې ولایت اړوند (۶۴۳) شهیدانو د شپږو میاشتو حقوقو د دوی بانکي حسابونو ته لېږدول شوي دي او (۳۷۲۶۰۱۸۹) افغانۍ بودیجه ورته ځانګړې شوې وه. پاتې (۱۴۶) شهیدانو (۵۰۰۹۰۳۴۸) افغانۍ بودیجه په پام کې نیول شوې او د کاري پروسې له بشپړېدو سره به یې حقوقو بانکي حسابونو ته ولېږدل شي.
(۱۰۰) تنو نظامي معلولینو د شپږو میاشتو حقوق ترلاسه کړي دي او دوی ته (۱۱۱۰۴۳۷۶) افغانۍ بودیجه ځانګړې شوې وه. د پاتې (۵) معلولینو حقوق هم د پروسس په حال کې دي او (۶۷۲۰۰۰) افغانۍ بودیجه ورته په پام کې نیول شوې ده.
د (۹۳۹۸) ملکي شهیدانو حقوق تر کار لاندې دي او د یو کال لپاره (۵۳۰۵۵۲۸۴۲) افغانۍ بودیجه ورته ځانګړې شوې ده.
(۱۵۴۰) ملکي معلولینو حقوق خپل حقوق ترلاسه کړي دي. دوی ته د یو کال لپاره (۴۸۸۸۵۰۰۰) افغانۍ بودیجه ځانګړې شوې وه. پاتې (۵۹۶) معلولینو حقوق تر کار لاندې دي او دوی ته (۶۹۴۳۷۰۰۰) افغانۍ بودیجه په پام کې نیول شوې ده.
