د شهیدانو او معلولینو چارو په وزارت کې (۴۸۰) تنو مستحقینو ته خوراکي توکي ووېشل شول
د شهیدانو او معلولینو چارو وزارت د یوې خیریه مؤسسې سره په همغږۍ په (۴۸۰) تنو مستحقو یتیمانو، کونډو، معلولينو او اړمنو کسانو باندې مرستې ووېشلې.
په یادو مرستو کې چې اوړه، غوړي، وریجې او ځینې نور خوراکي مواد شامل وو، مستحقینو ته په شفاف او منظم ډول ورکړل شول.
د مرستو د وېش پر مهال د ټولنیزو خدمتونو د تنظیم رئیس محترم مولوي ثناء الله فرقاني، د اطلاعاتو او عامه اړيکو رئيس محترم مفتي فيصل خاموش، د مرکز او ولایتونو د راپورونو د تحلیل او توحید آمر محترم مولانا نورالدین صاحب زاده، د نشراتو آمر محترم حافظ محمد یعقوب روښان او د مؤسسې مسؤلينو شتون درلود او د مرستو د وېش له بهیر څخه یې په پوره توګه نظارت وکړ.
محترم مفتي فيصل خاموش د مرستو د وېش پر مهال د خیریه مؤسسو څخه یتیمانو، کونډو او معلولینو ته د مرستو چمتو کولو په پار مننه وکړه او له نورو خیریه بنسټونو یې وغوښتل چې د دې اړمن قشر لپاره لا زیاتې مرستې چمتو او د هغوی ملاتړ وکړي.
