د شهیدانو او معلولینو چارو وزارت او د اسلامي هوساینې نړیوالې مؤسسې تر منځ د همکارۍ هوکړه لیک لاسلیک شو
د شهیدانو او معلولینو چارو وزارت د بهرنیو اړیکو او پلان رئیس محترم ملا صدوخان حقشناس او د اسلامي هوساینې نړیوالې مؤسسې د رئيس محترم محمد ذوالقرنین عباس ترمنځ د همکارۍ هوکړه لیک لاسلیک شو، چې موخه یې د یتیمانو لاسنیوی، ملاتړ او د هغوی لپاره د مرستو برابرول دي.
د دې هوکړه لیک پر اساس به، په کابل ولایت کې (۳۵۰) تنو یتیمانو لپاره اختریزې کڅوړۍ چمتو شي، په دې ترتیب، هر یتیم ته به د (۳۱۵۰) افغانيو په ارزښت جامې، بوټان او نور وسایل ورکړل شي.
د هوکړه لیک د لاسلیک پر مهال، محترم ملا صدوخان حقشناس د اسلامي هوساینې له نړیوالې مؤسسې څخه د یتیمانو، کونډو مېرمنو او معلولینو لپاره د شویو مرستو مننه او قدرداني وکړه او د مؤسسې له مسؤل یې وغوښتل چې خپلې مرستې د شهيدانو او معلولينو چارو له وزارت سره په همغږۍ پراخې کړي، ترڅو د اړمنو وګړو ستونزو ته په مؤثره توګه رسیدګي وشي.
د یادونې وړ ده چې د دې پروژې ټولیز ارزښت (۱۷) زره او (۸۵۹) ډالره کېږي او د ټولنیزو خدمتونو د تنظیم ریاست سره په همغږۍ به تطبیق شي.
