د شهیدانو او معلولینو چارو وزارت د رهبرۍ شورا غونډه ترسره شوه
د شهیدانو او معلولینو چارو وزارت د رهبرۍ شورا غونډه د یاد وزارت د شهیدانو او معلولینو چارو مرستیال ښاغلي شیخ صاحب عبدالحکیم حقاني په مشرۍ د مالي او اداري چارو عمومي رئيس ښاغلي مولوي کلیم الله افغان او د اړوندو څانګو د رئیسانو په شتون کې ترسره شوه.
په دې غوڼده کې د هغو معلولینو، کونډو او یتیمانو په هکله بحث وشو، چې د کابل ولایت په مرکز او نواحیو کې استوګن دي او میاشتنې نغذي مرستې یې ترلاسه کړې دي. همداراز په دې غونډه کې پریکړه وشوه چې د ښاغلي مولوي نورالحق حقاني په مشرۍ دې ځانګړې کمیټه جوړه شي تر څو د یتیمانو، کونډو او معلولینو کور په کور بررسی ترسره شي او د واقعي مستحقینو د تثبیت تر څنګ د هغوی اقتصادي کچه هم معلومه شي.
د یادولو وړ ده چې هغه کمیټه چې تر دې وړاندې د مستحقو کسانو د تثبیت په موخه جوړه شوې وه د بررسۍ په ترڅ کې چې (۷۰۰۰) د یتیمانو فورمې د کابل ولایت په مرکز او نواحیو کې ثبت شوې وې د هغې له جملې څخه (۲۵۰۰) فورمې څیړل شوې او (۴۵۰۰) پاتې فورمې به هم د موظفې کیمټې له خوا په هراړخیز ډول وڅیړل شي.
په دې غونډه کې د شهیدانو او معلولینو چارو وزارت اړوندو رئیسانو ته سپارښتنه شوه تر څو د خپلو ورځنیو کړنو او لاسته راوړنو کتبي راپورنه ترتیب او د کال په پای کې یې د یوه کتاب په شکل د مسؤلینو حضور ته وړاندې کړي.
