د جنګ د ملکي قربانیانو له کورنیو سره مرسته وشوه
دجنګ د ملکي قربانیانو له یولسو اړمنو کورنیو سره نن چهارشمبه د ۱۴۰۰ کال د جدي د میاشتې په لومړۍ نیټه د کمک موسسې له خوا او د شهیدانو او معلولینو چارو وزارت په همکارۍ مرسته ترسره شوه.
د کمک د موسسې د همغږۍ مسوول په دې اړه وویل چې مرسته شوې توکيو کې ۱۳ قلمه لومړني توکي شامل دي چې د جګړې له امله د ملکي قربانیانو کورنیو ته وویشل شول. هغه همداراز زیاته کړه چې د کمک موسسه هڅه کوي تر څو د جګړه ځپلو له نورو کورنیو سره هم د پام وړ مرستې تر سره کړي.
همداراز د شهیدانو او معلولینو چارو وزارت د نشراتو او عامه اړیکو رییس د کمک موسسې څخه په مننې وویل: یادې موسسې چې په دې سختو شرایطو کې د اړمنو کورنېو لاس نیوی وکړ د دوی دا مرستې د ستایلو وړ دي.
هغه همداراز زیاته کړه چې د شهیدانو او معلولینو چارو وزارت به د اړمنو کورنیو شفاف نوملړ چمتو او د یادې موسسې په واک کې به یې ورکړي تر څو د نورو اړمنو کورنیو سره هم د ولایتونو په کچه مرستې تر سره شي.
په دې اړه د جګړې ځپلو له کورنۍ څخه یو تن وویل: چې دوی وروسته له یوې شفافې پروسې څخه په دې نوملړ کې شامل شوي دي او د یادو کمکونو په مرسته به ددوي اړتیاوې پوره او د لوږې له خطر څخه به وژغورل شي.
