بدلون د ښاریانو ګډون، قانون ته درناوی او احترام سره ممکن دی
بدلون د ښاریانو ګډون، قانون ته درناوی او احترام سره ممکن دی
دا څرګندونې د شهیدانو او معلولینو وزارت سرپرست پوهنمل حمیدالله فاروقي د پنجشنبې په ورځ، د غبرګولي په ۶ مه د معلولینو ټولنې له استازو سره په کتنه کې وکړې.
په دې کتنه کې حاجي حسن صافي او حاجي رحیم شاه د معلولینو ټولنې په استازيتوب خبرې وکړې او خپلې ستونزی د ښارګوټي او استوګنځیو، غرفو، کارموندنې، د تخنیکي اسنادو ستونزې، د معاشونو ورکړه د معلولیت لرونکو خلکو بیاوړتیا د وزارت له چارواکو سره شریکه کړه او غوښتنه یې وکړه چې باید ورته پاملرنه وشي او د حل لاره یې پیدا شي.
ورپسې، د شهیدانو او معلولینو وزارت د ملاتړ او خدمتونو معینې آغلې جمیله نورستاني د سند د تایید په کمیټه کې د سند بیاکتنې د فعالیتونو او پرمختګ په اړه خبرې وکړې او د شهیدانو د وارثینو او معلولیت لرونکو کسانو د ستونزو د حل لپاره د وزارت د پرله پسې هڅو یادونه وکړه.
ښاغلي فاروقي د ژینوا کنفرانس د ژمنو پلي کیدو ته په اشارې سره وویل چې وزارت په دوامداره توګه د فساد سره د مبارزې او اصلاح په برخه کې کار کوي، او پدې وروستیو کې ښه پرمختګ شوی.
هغه زیاته کړه چې هغه به په اداره کې د هر ډول فساد، ځنډ یا بې قانونۍ ته انعطاف ونکړي او عاملین به یې محاکمه کړي. هغه ښاریان او د معلولینو ټولنه وهڅوله چې د فساد او اصلاحاتو په وړاندې مبارزه کې د دغه وزارت سره همغږي او همکاري وکړي او په ګډه د بدبختیو مخه ونیسي.
ښاغلي فاروقي څرګنده کړه چې د شهیدانو وارثینو او معلولیت لرونکي خلکو ستونزې د پوهیدو وړ دي او د وخت په تیریدو سره به ستونزو حل شي او ددې لپاره هڅې روانې دي ، هغه زیاته کړه ددې ستونزو حل کول به په پام کې نیسي او وخت ته اړتیا لري.
هغه وویل چې د معاشونو تادیه کې ځنډ لامل د سند بیاکتنې او تایید کمیټې بیاکتنې پروسه وه ، او همدارنګه د تمویل نشتون وو، ښاغلي فاروقي همداراز زیاته کړه، هغه کسان چې د (م۱، م۱۱، ش۱۲ ) او نور اړین سندونه چې په کوم دلیل ورک شوي ، نیمګړي یا د لاسرسي وړ ندي. د سند بیاکتنې کمیټې پای ته رسیدو وروسته ، ټول اسناد به په منظم ډول تنظیم او د لارښود لپاره به جمهوري ریاست ته واستول شي.
