د پکتیا ولایت د شهیدانو او معلولینو چارو ریاست د دعوت او ارشاد له چارو څخه ارزونه ترسره شوه
د شهیدانو او معلولینو چارو وزارت د دعوت او ارشاد رئیس محترم مفتي عبدالاحد مسعود په مشرۍ يو پلاوي چې د کارکوونکو چارو رئیس محترم مولوي محمد موسی صدیقي او د مرکزي مفتشینو آمر محترم مولوي امان الله جمالي یې ملتیا کوله، د پکتیا ولایت د شهیدانو او معلولینو چارو په ریاست کې د دعوت او ارشاد له چارو څخه ارزونه ترسره کړه.
د دې ارزونې پر مهال له کارکوونکو څخه وغوښتل شول چې د دعوت او ارشاد برخې ته جدي پاملرنه ولري او سپارل شوې دندې دې په منظم او د اصولو مطابق پرمخ یوسي.
یاد پلاوي همداراز د شهیدانو او معلولینو چارو په ریاست کې د دعوت او ارشاد له مسؤل سره یو اندازه نغدي مرسته هم ترسره کړه.
