Agreement on establishing a child support center for disabled children has been signed

د معلولیت لرونکو ماشومانو د ملاتړ مرکز جوړولو هوکړه لیک لاسلیک شو

نن سه شنبه د (وږي میاشتې ۵) د معلولیت لرونکو ماشومانو د ملاتړ مرکز د جوړولو هوکړه لیک د شهیدانو او معلولینو په چارو کې د دولت وزارت، ښار جوړولو او ځمکو وزارت، کار او ټولنیزو چارو وزارت او د پیاوړو ماشومانو د نوښت موسسې تر منځ رسماً لاسلیک شو.

په دې مراسمو کې د یادو وزارتونو محترمو وزیرانو او د ماشومانو د نوښت موسسې مسولینو ګډون درلود. 

یاد مرکز د پیاوړو ماشومانو د نوښت موسسې په مالي ملاتړ جوړیږي او د عملي کولو چارې یې هم د دغې موسسې پر غاړه دي.

د ښار جوړولو او ځمکو وزارت د دغه مرکز جوړولو لپاره د پیاوړو ماشومانو د نوښت موسسې ته دولتي ځمکه په اجاره ورکوي او د شهیدانو او معلولینو په چارو کې د دولت وزارت او د کار او ټولنیزو چارو وزارت د پروژې د څارنې مسولیت پر غاړه لري.

دا مرکز کې به معلولیت لرونکو ماشومانو ته د اوسېدو ځای، د ښوونې او روزنې او روغتیایي خدمتونو اسانتیاوې برابروي.