د زابل ولایت د شهیدانو او معلولینو چارو ریاست ودانۍ د احاطوي دېوال د جوړولو چارې پیل شوې
په همدې موخه په جوړو شویو مراسمو کې د زابل ولايت د والي مرستیال محترم الحاج مولوي محیب الله حماس، د احصایې او معلوماتو رئیس محترم مولوي ګل محمد احمد، د عامې روغتیا رئیس محترم ډاکټر میرویس افغان، د شهیدانو او معلولینو چارو رئیس محترم ملا عبدالحکیم دانش او د رسنیو استازو ګډون کړی وو.
د زابل ولایت د والي مرستیال محترم مولوي محیب الله حماس د اسلامي امارت له مشرانو مننه وکړه چې د کونډو، یتیمانو او معلولینو د ستونزو د حل او اسانتیاوو رامنځته کولو لپاره یې اقدام کړی دی.
د شهیدانو او معلولینو چارو رئیس محترم ملا عبدالحکیم دانش هم خبرې وکړې او زياته یې کړه: د دې احاطوي دېوال مجموعي لګښت (۵۵۰) زره افغانۍ کېږي چې د (۷۸) متره په اوږدوالي، (۴۶) متره په عرض او د دوه نيم متره په لوړوالي به، په دوه جريبه ځمکه کې جوړ شي او په نږدې ورځو کې به د ریاست لپاره د نوې ودانۍ د جوړولو چارې هم پېل شي.
نوموړي همداراز ډاډ ورکړ چې د یتیمانو، کونډو او معلولینو لپاره د اسانتياوو د رامنځته کولو په برخه کې به پوره هڅې وکړي.
