د کابل ولایت د شهیدانو او معلولینو چارو په ریاست کې (۲۰۰) تنو مستحقو یتیمانو مرستې ترلاسه کړې
په یادو مرستو کې چې اوړه، وریجې، غوړي او د ماشومانو لپاره البسه او ځينې نور مواد شامل وو، د کابل ولایت د شهیدانو او معلولینو چارو ریاست په همغږۍ د یار خیریه مؤسسې له لوري پر (۲۰۰) تنو یتیمانو باندې ووېشل شول.
د یادونې وړ ده چې د یادو مرستو د وېش پر مهال د کابل ولایت د شهیدانو او معلولینو چارو آمر محترم ملا محمد نعیم انعام، د دې وزارت د نشراتو آمر محترم حافظ محمد یعقوب عبیده، د څارنې او ارزونې ریاست استازي او د مؤسسې مسؤل هم حضور درلود.
