د غور ولايت د شهیدانو او معلولینو چارو په رياست کې د یتیمانو، کونډو او معلولینو د ثبت او راجسټر په موخه نوی الکټرونیکي سیسټم فعال شو
د ډېټابېس او معلوماتو رئیس محترم مولوي باقي بالله فضلي په مشرۍ يو تخنیکي او مسلکي پلاوي د غور ولايت د شهيدانو او معلولینو چارو په رياست کې د یتیمانو، کونډو او معلولینو د ثبت او راجسټر په موخه نوی الکټرونیکي سیسټم فعال او ګټې اخيستنې ته وسپاره.
په هغه غونډه کې چې په همدې موخه د غور ولايت د شهيدانو او معلولینو چارو په رياست کې جوړه شوې وه، د ډېټابېس او معلوماتو رئیس محترم مولوي باقي بالله فضلي د نوي الکټرونیکي سیسټم پر اهمیت او ارزښت هر اړخیزې خبرې وکړې.
همداراز په دې غونډه کې د یاد ولایت د شهيدانو او معلولینو چارو آمر محترم ملا شیرین سجاد د نوي الکټرونیکي سيسټم له فعالولو یې خوښي څرګنده کړه.
