د د شهيدانو او معلولينو په چارو کې د دولت وزارت په مشرۍ د COMAC موسسې، له يو شمېر جګړو ځپلو هېوادوالو سره مرسته وکړه
د د شهيدانو او معلولينو په چارو کې د دولت وزارت په مشرۍ د COMAC موسسې، له يو شمېر جګړو ځپلو هېوادوالو سره مرسته وکړه
د شهيدانو او معلولينو په چارو کې د دولت وزارت په مشرۍ او د کمک موسسې په مالي ملاتړ د کابل ښار د وروستیو پېښو قربانيانو سره د ځان بساينې او لاسنيوي په موخه مرستې وشوې.
د مرستو د وېشلو یاد بهیر ته د شهیدانو او معلولینو په چارو کې د دولت وزارت د خدمتونو وړاندې کوونکې او ملاتړ مرستياله جميله نورستانۍ او رئيس سيدعالم هاشمي هم ور بلل شوي وو.
آغلې نورستانۍ د پېښو قربانيانو سره خواخوږي وښوده او د شهيدانو وارثينو ته يې د تسليت مراتب وړاندې کړل.
نوموړې د جګړې له قربانيانو وغوښتل چې د شهيدانو او معلولينو په چارو کې د دولت وزارت ته، د نومليکنې لپاره ورشي څو په وزارت کې له ارزونې او تشخيص وروسته راجستر شي او له خپلو کلنيو حقونو او امتيازاتو څخه برخمن شي.
نوموړې د کمک موسسې څخه مننه وکړه، چې له وزارت سره په همغږۍ له جګړو د اغيزمنو کورنیو سره په بېلا بېلو برخو کې مرستې کوي او د هغوی د اقتصادي پياوړتيا، لاسنيوي او ځان بساینې لپاره هڅې کوي.
د يادولو وړ ده، چې په وېشل شويو مرستو کې خوراکي توکي، د پانګوالۍ کوچنۍ بستې، د حياطۍ ماشينونه او نور وسايل شامل وو.
