د هرات ولایت د شهیدانو او معلولینو چارو په ریاست کې اداري غونډه ترسره شوه
د چارو د لا ښې همغږۍ او یتیمانو، کونډو او معلولیت لرونکو وګړو ته د غوره او معیاري خدمتونو وړاندې کولو په موخه، د هرات ولایت د شهیدانو او معلولینو چارو رئيس محترم الحاج مولوي علاؤ الدین سعد په مشرۍ په یاد ریاست کې اداري غونډه ترسره شوه، په یاده غونډه کې د ریاست اړوند ټولو کارکوونکو ګډون کړی وو.
د دې غونډې په پیل کې، د شهیدانو او معلولینو چارو ریاست لپاره نوی آمر کارکوونکو ته ور وپېژندل شو. له هغه وروسته، هر یو کارکوونکي په خپل وار سره د خپلو کړنو او لاسته راوړنو راپور وړاندې کړ.
محترم الحاج مولوي علاؤالدین سعد د کارکوونکو له لوري ترسره شوي فعالیتونه او کړنې وستایلې او په یاده برخه کې یې د لا زیاتو هڅو غوښتنه وکړه.
