د پکتیا ولایت د شهیدانو او معلولینو چارو رياست له لوري د ترسره شویو فعالیتونو او کړنو بررسي پیل شوه
د شهیدانو او معلولینو چارو وزارت د کورنۍ پلټنې رئيس محترم مولوي محمد انور برادر په مشرۍ ټاکل شوي پلاوي چې د یاد رياست اړوند دوه تنو کارکوونکو هر یو محترم محمد یاسین ادیب او محترم امین الله امیني یې ملتیا کوله، پکتیا ولایت ته یې د سفر پر مهال د شهیدانو او معلولینو چارو ریاست له لوري د ترسره شویو فعالیتونو او کړنو بررسي پیل کړه.
په پام کې ده چې یاد پلاوی به د شهیدانو ورثه وو او معلولینو لپاره د وړاندې شویو خدمتونو څرنګوالی، د هغوی د تثبیت او ثبت بهیر او د یاد ریاست له نورو اداري چارو څخه په هر اړخیز ډول بررسي ترسره کړي.
د دې بررسي اصلي موخه د سپارل شویو دندو او مسؤلیتونو له ترسره کولو څخه ډاډ ترلاسه کول، د مخکیني پلاوي د سپارښتنو تعقیبول، د وړاندې شویو خدمتونو په برخه کې د شفافیت معلومول او یتیمانو، کونډو او معلولینو لپاره د ښو خدمتونو وړاندې کولو په برخه کې د شته نیمګړتیاوو پيژندل دي.
د یادونې وړ ده چې د یادې بررسي پایلې به د شهيدانو او معلولينو چارو وزارت له رهبرۍ سره شریکې شي.
