د مالي او اداري چارو عمومي رئیس محترم مولوي کلیم الله افغان په مشرۍ پلاوي د زابل ولایت پر یو شمېر معلولینو باندې نغدي مرستې ووېشلې
د شهیدانو او معلولینو چارو وزارت د مالي او اداري چارو عمومي رئیس محترم مولوي کلیم الله افغان په مشرۍ یو پلاوي، چې د معلولینو د تثبیت آمر محترم حافظ عبدالکریم یې ملتیا کوله، د زابل ولایت د شهیدانو او معلولینو چارو په ریاست کې له څلورو تنو مجاهد معلولینو سره له نږدې لیدنه وکړه.
په دې لیدنه کې د یادو معلولینو ستونزې او غوښتنې واورېدل شوې او هر مستحق معلول سره یو اندازه نغدي مرسته هم ترسره شوه.
یادې نغدي مرستې د عالیقدر امیرالمؤمنین حفظه الله تعالی د ځانګړي شفقت او مهربانۍ پر اساس، د هغو (۶۵) تنو مجاهد معلولینو لپاره ځانګړې شوې دي چې د شل کلن اشغال پر مهال یې د خپل بدن دوه غړي له لاسه ورکړي وو، دغه مرستې د شفافې قرعه کشۍ له لارې تنظیم شوې دي او دا څلور تنه معلولین هغه کسان وو چې نومونه یې په قرعه کشي کې راوتلي وو.
په پام کې ده په نورو ولایتونو کې هم د دوو عضو معلولیت لرونکو وګړو لپاره چې نومونه یې د قرعه کشۍ له لارې ټاکل شوي دي، د هغوی سره هم ورته نغدي مرستې ترسره شي.
