د شهیدانو او معلولینو چارو وزارت سرپرست وزير محترم الحاج ملا عبدالمجید آخند هرات ولایت ته د سفر په ترڅ کې د یاد ولایت د شهيدانو او معلولینو چارو رياست څخه ليدنه وکړه
د شهیدانو او معلولینو چارو وزارت سرپرست وزير محترم الحاج ملا عبدالمجید آخند چې هرات ولایت ته د یتیمانو، کونډو او معلولیت لرونکو وګړو پر وړاندې د شته ستونزو او ننګونو د حل او هغوی ته د خدمتونو وړاندې کولو د څرنګوالي د ارزونې په موخه سفر کړی هلته یې د ياد رياست مسؤلينو او کارکوونکو سره له نږدې وکتل.
نوموړي همداراز د هرات ولایت د شهيدانو او معلولینو چارو رئيس ښاغلي مولوي علاو الدين سعد سره هم ليدنه وکړه د یاد ریاست پر وړاندې شته ننګونې او ستونزې واوريدې، او د حل په برخه کې یې د پوره همکارۍ ډاډ ورکړ.
دغه راز محترم وزیر صاحب د دې رياست د رئیس او کارکوونکو زیار او هر اړخیزې هڅې وستایلې او ټولو ته یې په چارو کې د برياليتوب هیله څرګنده کړه.
همداراز محترم الحاج ملا عبدالمجید آخند د شهيد مولوي مجيب الرحمن انصاري له کورنۍ سره وليدل او د هغه پاک روح ته یې دعا وکړه.
