د شهیدانو او معلولینو چارو وزارت له کارکوونکو څخه د دیني موضوعاتو ازموینه واخیستل شوه
د شهیدانو او معلولینو چارو وزارت د دعوت او ارشاد ریاست له لوري د دې وزارت کارکوونکو ته د دیني مسائلو د زده کړې په موخه تعلیمي نصاب تدریس کېږي، چې په کې د عقیدوي او فقهي مسائلو اړوند زده کړې ورکول کېږي. د کارکوونکو د ارزونې په موخه، نن د ځانګړي پروګرام په ترڅ کې د اداري کارکوونکو څخه په تحریري بڼه او له خدماتي کارکوونکو څخه په شفاهي (تقریري) بڼه ازموینه واخیستل شوه.
د یادې ازموینې بهیر چې د سیدالشهداء حضرت حمزه رضي الله تعالی عنه په جومات کې، چې د وزارت په انګړ کې موقعیت لري، ترسره شو، د دعوت او ارشاد رئیس محترم مفتي عبدالاحد مسعود او د یاد ریاست آمرینو او کارکوونکو هم شتون درلود.
د شهیدانو او معلولینو چارو وزارت کارکوونکو په پوره لېوالتیا او چمتووالي سره په ازموینه کې ګډون وکړ، پوښتنو ته یې په پرله پسې او منظم ډول ځوابونه وړاندې کړل او د ازموینې ټول بهیر د انضباط او همغږۍ په فضا کې ترسره شو.
