د سمنګان ولایت د شهیدانو او معلولینو چارو ریاست د کړنو او فعالیتونو څخه هر اړخیزه ارزونه ترسره شوه
د شهیدانو او معلولینو چارو وزارت د څارنې او ارزونې ریاست د پروژو څخه د څارنې او ارزونې آمر محترم ملا مطیع الله ابوالمختار په مشرۍ یو پلاوي چې د یاد ریاست اړوند دوه تنو کارکوونکو هر یو محترم محمد فاروق ځلاند او محترم محمد شفیق شېرزاد یې ملتیا کوله، د سمنګان ولایت اړوند د شهیدانو او معلولینو چارو په ریاست کې د ترسره شویو کړنو او فعالیتونو څخه هر اړخیزه ارزونه ترسره کړه.
د دې ارزونې په ترڅ کې د شهیدانو ورثه وو او معلولینو ته د خدمتونو وړاندې کولو څرنګوالی، د تثبیت او ثبت پروسه، هغوی ته د میاشتني نغدي مساعدتونو وېش، اداري برخې او نورې اړوندې چارې په هر اړخیزه توګه له نږدې و ارزول شوې، شته ستونزې او ننګونې په نښه او د حل په موخه یې د اړوند ریاست کارکوونکو ته لازمې لارښوونې وشوې.
