د پکتیا ولایت د شهیدانو او معلولینو چارو رئیس د مرکز ګردیز د ګذر له وکیلانو سره مستحقو کسانو ته د مرستو چمتو کولو په موخه غونډه ترسره کړه
د پکتیا ولایت د شهیدانو او معلولینو چارو رئیس محترم مولوي محمد نبي محمدي د پکتیا ولایت مرکز ګردیز اړوند له ګذر وکيلانو سره د یوې غونډې په ترڅ کې له هغوی وغوښتل تر څو د یاد ریاست سره د مستحقو او واقعي یتیمانو، کونډو او معلولینو په پېژندلو کې هر اړخیزه همکاري وکړي.
همداراز د نوموړي له لوري هغوی ته د یتیمانو، کونډو او معلولینو د تثبیت فورمې ورکړل شوې او له هغوی یې وغوښتل چې په یادو فورمو کې د مستحقو کونډو، بې سرپرسته یتیمانو، ناعلاجه ناروغانو، مستحقو معلولینو او د هغو کسانو چې په نشه یې توکو روږدي دي او د خپلو کورنېو سرپرستي یې ور په غاړې ده، د هغوی ليستونه ترتیب او د یاد ریاست سره شریک کړای شي تر څو ترتیب شوي لیستونه د ولایت مقام، خیریه بنسټونو او مؤسسو سره شریک کړاي شي تر څو هغوی ته لازياتې مرستې راجلب او پر هغوی وویشل شي.
