Meeting on opening of empowerment for martyrs heirs and persons with disabilities in Kabul

کابل کې د شهیدانو وارثینو او معلولیت لرونکو وګړو ته د پیاوړتیا مرکز پرانستو په اړه ناسته وشوه

د کابل ولایت مرستیالې آغلې حنیفه ګیرووال د شهیدانو او معلولینو په چارو کې د دولت وزارت وزیر ښاغلي لعل الدین آریوبي سره وکتل.
آغلې ګیرووال کابل د ولایتي ادارې نويو پلانونو او برنامو ته په اشارې وویل، چې د کابل په مرکز او ولسوالیو کې د پیاوړتیا مرکزونه جوړیږي او دې مرکزونو کې به ښوونې او روزنې، وړتیا لوړونې او کارموندنې برنامې پیل شي.
نوموړې زیاته کړه، چې د معلولیت لرونکو وګړو په برخه کې د فعالو بنسټونو د څارنې پلان یې جوړ کړی او د شهیدانو او معلولینو په چارو کې د دولت وزارت په همکارۍ به تطبیق شي.
ښاغلي لعل الدین آریوبي مېرمن ګیرووال له راتګه مننه وکړه وویل، چې یاد وزارت په ټولو برخو کې د همغږۍ او مرستې تابیا لري او د کابل ولایت له ولایتي مشرتابه سره په همغږۍ د وزارت په ولایتي تشکیل کې سمون ته چمتو یو.