په کندهار او زابل ولایتونو کې د دعوت او ارشاد له چارو څخه ارزونه ترسره شوه
د شهیدانو او معلولینو چارو وزارت د دعوت او ارشاد ریاست آمر محترم حافظ محمد اقبال په مشرۍ یو پلاوي چې د دې ریاست اړوند مدرس محترم مولوي علي احمد او محترم مولوي نورمحمد یې ملتیا کوله، د کندهار او زابل ولایتونو د شهیدانو او معلولینو چارو په ریاستونو کې د دعوت او ارشاد اړوند له چارو څخه هر اړخیزه ارزونه ترسره کړه.
د دې ارزونې پر مهال کارکوونکو ته د دعوت او ارشاد چارو په هکله لازمې لارښوونې وشوې او د ریاستونو اړوند د دعوت او ارشاد له مسؤلینو سره یوه اندازه نغدي مرسته هم ترسره شوه.
