په غزني ولايت کې (۹۷) تنو مستحقو کسانود خوراکي توکو مرستې ترلاسه کړې
د غزني ولايت د شهيدانو او معلولینو چارو رياست د (HHRD) خیریه مؤسسې سره په همغږۍ په دې ولايت کې پر (۹۷) تنو مستحقو یتیمانو، کونډو او معلولینو باندې خوراکي توکي چې په هغه کې اوړه، وریجې، لوبیا، مالګه، بوره او غوړي شامل وو، ووېشل.
همداراز هر مستحق ته (۱۵۰۰) افغانۍ د نغدي مرستې په توګه هم ورکړل شوې.
د یادو مرستو د وېش پر مهال د غزني ولايت د شهيدانو او معلولینو چارو رئيس محترم مولوي محمدانور برادر د یادې مؤسسې له مرستو څخه مننه وکړه او ياد قشر ته یې د لا زیاتو مرستو پر چمتو کولو ټینګار وکړ.
