د 2020 جينوا کنفرانس د ژمنو د کاري پلان پلي کولو لپاره، د تخنیکي کمیټې غونډه جوړه شوه
د 2020 جينوا کنفرانس د ژمنو د کاري پلان پلي کولو لپاره، د تخنیکي کمیټې غونډه جوړه شوه
نن يکشنبه د غويي په ۱۲مه، د شهيدانو او معلولينو چارو وزارت د برنامو او همغږۍ مرستیالې او د وزارت سرپرستې آغلې صبرۍ اندړ په مشرۍ، د 2020 جينوا کنفرانس د ژمنو کاري پلان پلي کولو لپاره د تخنیکي کمیټې غونډه وشوه او د وزارت کاري تګلوري ته په کتو يې په یاد کنفرانس کې د شويو ژمنو د پر وخت او اغيزناک عملي کولو په تړاو خبرې وکړې.
آغلې اندړ ټینګار وکړ، چې په جينوا کنفرانس کې د شويو ژمنو په ګټوره توګه او پر وخت پلي کیدو لپاره بايد یو منظم او دقیق پلان چمتو شي، کوم چې د دې وزارت له اصلي او فرعي فعالیتونو او کاري چاپيريال سره سمون ولري.
هغې څرګنده کړه، چې د نړیوالې ټولنې مرستې د تل په څېر مشروطې دي او په دې برخه کې ژمنو او شرطونو ته په کتو د لازمو اجرااتو ترسره کولو ته مهمه اړتيا ده.
په پای کې آغلې اندړ ټاکلې کمېټې ته لارښوونه وکړه، چې په هرو دریو اونیو کې د په دې تړاو تخنیکي ناسته کوي، ترڅو د خپلو مکلفیتونو او شته خنډونو د لرې کولو او په هکله یې د راپور چمتو کولو په اړه بحثونه وکړي.
د نوموړې په خبره، چې په دې توګه به په راپور کې د شهیدانو ورثې او معلولیت لرونکو وګړو رول، وړاندیزونه او غوښتنې په سمه بڼه انعکاس شي.
