د شهیدانو وارثینو او معلولینو د حقونو د تامین په اړه د هېواد د جلالتمآب جمهور ريیس د هدایت تحقق په موخه غونډه وشوه.
د شهیدانو وارثینو او معلولینو د حقونو د تامین په اړه د هېواد د جلالتمآب جمهور ريیس د هدایت تحقق په موخه غونډه وشوه.
د شهیدانو او معلولینو چارو وزارت او جمهوري ریاست د چارو ادارې د فرهنګي او ټولنیزو چارو ریاست له لوري د شهیدانو او معلولینو، کار او ټولنیزو چارو، مالیې او عامې روغتیا وزارتونو، د اداري اصلاحاتو کمیسیون، د ملي امنیت لوی ریاست او د کابل ښاروالۍ استازو په ګډون د هېواد د شهیدانو او معلولینو د حقونو د تامین په اړه د جلالتمأب جمهور رییس د هدایت د تطبیق په موخه غونډه وشوه.
د چارو ادارې د فرهنګي او ټولنیزو چارو رییس محبوب شاه محبوب د جلالتمآب جمهور رییس د هدایت او د شهیدانو او معلولینو د کورنیو د حقونو په اړه خبرې وکړې.
د شهیدانو او معلولینو وزارت مرستیالې صبرۍ اندړ د معلولینو لپاره د کار موندنې طرحې، له عامې روغتیا وزارت څخه د شهیدانو او معلولینو ته د معلولینو مجدد فزیکي پیاوړتیا مرکز انتقال او ښار کې د معلولینو د غرفو ستونزو په اړه خبرې وکړې.
د اداري اصلاحاتو کمیسیون استازي وویل، چې د شهیدانو او معلولینو وزارت سره په همغږۍ د په دولتي ادارو کې د معلولیت لرونکو وګړو د استخدام لپاره د معلولینو د کاري ظرفیت مشخص کولو په موخه په یو میکانیزم کار کوي.
د غونډې په پای کې پرېکړه وشوه، چې اړونده ادارې د معلولینو د کار موندنې طرحې په اړه په لیکلي ډول خپل نظرونه د چارو ادارې لوی ریاست ته واستوي او له عامې روغتیا وزارت د شهیدانو او معلولینو وزارت ته د معلولیت لرونکو وګړو د فزیکي پیاوړتیا مرکز انتقال په اړه منطقي دلایل وړاندې کړي. دغه راز د کابل ښاروالۍ د معلولینو د غرفو د ستونزې حل په اړه خپل راپور د چارو ادارې لوی ریاست ته وسپاري.
