د هلمند ولايت د شهیدانو او معلولینو چارو په رياست کې اداري غونډه ترسره شوه
د هلمند ولايت د شهیدانو او معلولینو چارو رياست کې د کاري بهیر د لاښه والي او پرمختګ په موخه اداري غونډه د ياد رياست د رئيس محترم ملا صدوخان حق شناس په مشرۍ ترسره شوه، چې په هغه کې د رياست اړوند ټولو کارکوونکو ګډون کړی وو.
په دې غونډه کې د هلمند ولایت د شهیدانو او معلولینو چارو رئیس، د شهیدانو کورنیو او معلولینو ستونزو ته د پر وخت رسيدګۍ او د ورځنیو چارو د لا ښه سمون په اړه کارکوونکو ته اړینې لارښوونې وکړې.
همداراز، په غونډه کې د شهیدانو ورثه وو او معلولینو لپاره د اغېزمنو او معیاري خدمتونو د وړاندې کولو او د هغوی د ستونزو د حل په موخه هم لازمې سپارښتنې وشوې.
محترم ملا صدوخان حق شناس له ټولو کارکوونکو وغوښتل چې خپلې سپارل شوې دندې په بشپړ اخلاص، ژمنتیا او همغږۍ سره ترسره کړي، څو یادې کورنۍ له غوره او دوامدارو خدمتونو څخه برخمنې شي.
